Social Icons

.

Featured Posts

.

Thursday, January 22, 2015

NEW SONG:- FOREVER - SAUTI FROM EAST


Sauti from east

Forever



[Chris Daniel]

I know, what makes you sad.

I know what makes you cry.

I know, cos I’ve been there.

I know

[Chris Ringson]

I know why you hate to love

I know why you hate to trust

I know, cos I’ve been there



[Bridge]

Every feeling that you have,

Baby, don’t hide it for the best.

I’ll be your better man

Cos I’ve been there before

[Chorus]

Let the stars above be the witness

Let the gods above be the witness

I’ll love you now and then

Oh forever.

I’ll love you now and then

Oh, forever.



[Chris Daniel]

I know how to make happy

I know how to make laugh

I know, cos I’ve been there

[Chris Ringson]

I know how to make you love

I know how to make you trust

I know cos I’ve been there.



[Repeat Bridge]

[Repeat Chorus]

[Chris Daniel]

I’ll love you now and then

Baby, forever.

I’ll love you know and then

Darling, forever



[Repeat Bridge]

[Repeat Chorus]

……forever

Monday, January 19, 2015

FROLA MVUNGI a.k.a H MAMA ADAI MWANAE TANZANITE ANALELEWA KATIKA MISINGI BORA KAMA INAYOTAKIWA MTOTO KULELEWA.



Mwanamuziki na Mwigizaji wa Filamu nchini Frola Mvungi ambaye jina la kisanii kupitia muziki anafahamika kama H MAMA ameipongeza familia yake hususani mumewe ambaye pia ni mwanamuziki H BABA na Mama Mkwe wake kwa kushirikiana vizuri katika malezi ya mwanae Tanzanite.

H MAMA amekiambia kipindi cha Bomba Base Show cha redio Bomba FM Mbeya kuwa licha ya yeye na mumewe kujikita katika muziki na filamu lakini mtoto wao hajawahi kuteteleka kiafya na analelewa katika misingi na maadili yanayofaa.

''Kabla ya kufanya kitu chochote unajua kuna mipango na malengo, kiukweli nashukuru sana familia yangu kwa sababu wananipa sana sapoti including my husband na Mama mkwe wangu, kwa hiyo mara nyingi navyokuwa nimeenda kushoot ama kufanya show Tanzanite anakuwa na bibi yake all the time so hata mimi huwa nakuwa vile na amani mtoto yupo kwenye mikono salama kwa hiyo hilo hakuna tatizo na vilevile na mdada ambaye anampenda sana mwanangu Tanzanite'' alisema H MAMA.

RICH MAVOKO ASEMA UKUBWA WA VIDEO YA PACHA WANGU IMEMSAIDIA KUPATA COLLABO NA WASANII WA KIMATAIFA



Hitmaker wa Pacha Wangu Rich Mavoko amesema ukubwa wa wimbo huo na video yake imemfungulia milango ya kufahamika na kufanya collaboration na wasanii wakubwa wa Afrika Mashariki.

''Video hii imenikutanisha na watu wakubwa kibao ambao sijawahi kukutana nao, nimefapa collabo za ndani na nje hapa nimepata collabo na msanii wa Kenya Rabbit ambaye alinitafuta na nimepata collabo na Dr Jose Chameleone na wasanii wengine wakubwa wa Afrika Mashariki ambao sikuwahi hata kukutana nao na nimefanikiwa kukutana nao na kukamilisha malengo'' Rich Mavoko alikiambia kipindi cha Bomba Base Show cha redio Bomba FM Mbeya.

Kwa hatu nyingine Rich Mavoko amezungumzia utaratibu mpya wa kuachia kazi zake mpya chini ya uongozi wake unaomsimamia ''Ngoma zipo nyingi tatizo ni muda ambao manejimenti wameupanga wao, umeona kuna nyimbo kama mbili na tayari tumekwisha kushoot na nikipanga kutoa nitawajuza fans wangu kupitia Social networks na media kikubwa naomba sapoti yao waendelee kusapoti muziki wa kitanzania''.

BONTA SISIKIKI KATIKA NYIMBO ZA WEUSI KUTOKANA NA MAJUKUMU YA UDAKTARI



Rapper Bonta amesema mashabiki wanapaswa kufahamu sisikiki kupitia ngoma za Weusi kwa sababu huwa nakuwa nipo kwenye majukumu ya ndani na nje ya nchi kutokana na taaluma yangu ya udaktari.

''Mara nyingi mimi nakuwa sipo unajua kwa mfano kama mwaka jana kwa miezi 12 nilikuwepo nchini kwa miezi minne tu, na miezi minne yenyewe ilikuwa ya mwisho mwisho wakati tunafanya tour ile ya Funga Mwaka na Weusi ndio nilirudi mwezi wa 8 na hata nikiwepo nchini mara nyingi nakuwa mikoa ya Mwanza, Arusha na Shinyanga nacheza na hiyo triangle na wenzangu wanakuwa Dar es Salaam lakini na mchango mkubwa katika kazi zote za weusi'' Rapper Bonta alikiambia kipindi cha Bomba Base Show cha redio Bomba FM Mbeya.

Bonta pia amezungumzia mafanikio ya Kampuni yao ya Weusi kuwa mwaka 2014 ulikuwa wa mafanikio makubwa kwao.

''Ulikuwa ni mwaka mzuri kwa kampuni yangu ya weusi tumefanya vizuri kwenye TV, Radio stations, shows na hata mtaani kwa kusikilizwa sana kwa sisi wasanii watano wa Weusi pekee yetu tumetoa video 8 kwa hiyo ni jambo la kujivunia''

Friday, January 16, 2015

Chiku Keto amesema haelewi sababu za Mameneja wengi sasa hivi kutokuwa tayari kuwasimamia baadhi ya wasanii wanao-rap.



Rapper Chiku Keto amesema haelewi sababu za Mameneja wengi sasa hivi kutokuwa tayari kuwasimamia baadhi ya wasanii wanao-rap.

Chiku K ameyasema hayo katika Kipindi cha Bomba Base Show cha redio Bomba FM Mbeya, wakati akizungumzia sababu za ukimya wake kwa 2014 katika music industry ulitokana na harakati zake za kutafuta menejimenti na mtu yoyote ajitokeze kusimamia kazi zake.

''Kilichokuwa kinanikwamisha nilikuwa nasikilizia kama labda inaweza ikatokea mtu ambaye anaweza kunisimamia kazi, sielewi watu kwanini wamekuwa wagumu wanakuwa hawajitokezi kwa hiyo nimeamua kusimama mwenyewe vyovyote itakavyokuwa itabidi nifanye kazi yeyote mtu akiona unaelekea basi atasapoti''.

Hata hivyo amezungumzia kuanza na ngoma yake mpya atakayoiachia maalumu kwaajili ya sikukuu ya wapendanao kama zawadi kwa mashabiki.

''Nachowaambia narudi sasa hivi nakuja tarehe 14 mwezi wa pili mwaka huu siku ya Valentine naangusha ngoma vyovyote itakavyokuwa hapa napiga picha ya cover ya wimbo huo unaitwa Usiniache ni wimbo fulani hivi wa mapenzi nimerap na nimeimba''

SAMIR KUIRUDIA STYLE YA KINYULINYULI BAADA YA KUKOSA MASHABIKI



Mwanamuziki Samir wa Kinyulinyuli amekiri kupoteza mashabiki baada ya kubadili miondoko na maudhi ya nyimbo alizozifanya baada ya Kinyulinyuli.

Akizungumza kupitia kipindi cha Bomba Base Show cha redio Bomba FM Mbeya Samir amesema fikra zake na umamuzi wake unamtuma kufanya nyimbo zake katika miondoko kama ya Kinyulinyuli kutokana na ngoma zake kama Fitina, Nitamchezea aliyomshirikisha Ney wa Mitego kutofanya vizuri

''Kila muziki unakuawa na radha yake na watu wake wa kuwabamba, kuna nyimbo zina hit uswahilini, kuna nyingine zinawabamba watu wazima na kuna nyingine zinawabamba wato wote wa rika tofautitofauti na maeneo tofauti, hivyo uamuzi wangu nataka kurudi katika style za kinyulinyuli na naanza na wimbo ambao nitautoa hivi karibuni'' alisema Samir.

Hata hivyo Samir amepata uongozi mpya utakaokuwa ukisimamia kazi zake iitwayo 69 kwa kushirikiana na Mahewa Entertainment.

DULLAYO:- MUZIKI WA BONGO UNALIPA NDIO MAANA WASANII WANAENDA KUFANYA VIDEO NA NYIMBO AFRIKA KUSINI



Hitmaker wa Mida ya Kazi DULLAYO amesema muziki wa Bongo Fleva tuliokuwa tunaupigania ukue kimataifa ndio huu na matunda yake yameanza kuonekana ndio maana wasanii wanakwenda kurekodi nyimbo na kushoot video zao Afrika Kusini.

''Unajua muziki wa sasa hivi tofauti na wazamani ulivyokuwa watu hawakufikiria kama wasanii wa Bongo wangefikia huko kwenda kufanya video huko, hii inaonyesha jinsi gani muziki unaonekana unalipa, kama mtu unatoka unaenda kufanya na Godfather na madirector wengine maanake umejipanga vizuri unajua biashara iko wapi na inaleta chachu ya Madirector wa kibongo kufanya kazi kwa bidii kwani wakifanya vibaya watahofia soko lao kuwa gumu, kama wasanii wanaanza kuchukua ndege na kwenda huko hata mimi nitaacha kufanya video huku''. DULLAYO alikiambia kipindi cha Bomba Base Show cha redio Bomba FM Mbeya.

Aidha Dullayo amekiri kufanya video na Madirector wa Tanzania hakusaidia kutambulika kimataifa kutokana na kukosa connections za kujitanua kimataifa,

''Unajua wale jamaa wa nje ya nchi wanakuwa na vituo vyao vya luninga wanavyoweza kukusaidia kuisambaza video yako ndio maana unakuta siku hizio wasanii wetu wanakuwa nominated katika tuzo mbalimbali za kimataifa na kuzinyakua tuzo hizo, pekee yetu tu hatuwezi kufika popote ndio maana tulikuwa tunatumia mpaka Channel O watu wanashangaa kwa vyovyote Directors wa nje wanamchango mkubwa''.

WITNESS:- MSANII WA KIKE UKITAKA KUFANYA HIPHOP KAMA MWANAUME UNAFELI

Rapper WITNESS amesema wasanii wengi wa kike wanaofanya muziki wa Hiphop wanafeli kutokana na kutaka kufanya hiphop kama mwanaume.

Akikiambia kipindi cha Bomba Base Show cha redio Bomba FM Mbeya rapper huyo amesema ''Hiphop yenyewe wanasema dominated game kwamba ni mchezo wa wanaume asili yake iko hivyo unavyokuja mwanamke kutaka kuifanya kama mwanaume unafeli inabidi ufanye kama mwanamke''

WITNESS amesema Female rappers wanapaswa kuiga nyayo za Msanii Nick Minaj, ''kwa mfano kama Nick Minaj anafanya vizuri sasa hivi umemuona she sex halafu vilevile huwa anaimba na anafanya hiphop japo kuwa anafahamika kama mwana hiphop lakini pia kuimba kupo kwa hiyo anachanganya kwa hiyo anatokea kuwa na fans ambao wa kuimba, wanaopenda muonekano wake, anavyoimba, performance zake na wanaopenda Hiphop ndio maana unakuta anavitu kama vitano vinavyomsapoti ndio maana anaendelea kufanya vizuri''

 Aidha Rapper huyo amezungumzia mpango wake mkubwa kwa mwaka huu ni kuachia video moja kila baada ya miezi miwili au mitatu.

''Mwaka huu na mpango wa kuwa natoa video kila baada ya miezi miwili au mitatu, sasa hivi namalizia tu kuisambaza videos ya sasa hivi Chunga mdomo wako ikishaisha naanza kushoot video ya wimbo mwingine''

Hata hivyo WITNESS ameizungumzia video yake mpya ambayo amekwisha kuiachia ya Chunga mdomo wako ''Wimbo mpya nimeuachia unaitwa chunga mdomo wako ni wimbo ambao ukiuangalia au ukiusikiliza utaona kama nimebadilika kidogo nimeimba na kurap at the same time, vilevile  nimetokea kuchange hata kwa muonekano ni video yangu ya kwanza nimetokea kuwa na wanawake tu kwenye video''.

Thursday, January 15, 2015

DAYNA NYAGE AELEZEA SABABU YA KUTOFANYA COLLABO NA MSANII WA ZAMANI WA KUNDI LA BLU 3 AITWAYE CINDY

Mwaka 2014 ulikuwa ni mwaka wa mipango kwa msanii Dayna Nyage kufanya collabolation na msanii Cindy kutoka nchini Uganda lakini mipango hiyo haikukamilika kutokana na msanii huyo wa zamani wa kundi la Blu 3 (Cindy) kupata safari za mara za kuelekea Afrika Kusini.

''Kila kitu kipo vizuri, wakati mwingine sisi tunaweza tukawa tunapanga vitu lakini na Mungu anakuwa anapanga vya kwake, kwa hiyo kama binadamu lazima tukubali kuwa na subira tu na ukiangalia Uganda ilikuwa ni karibu tu ilikuwa ni rahisi mimi kwenda kukaa siku mbili tatu na kufanya wimbo na ukakamilika''. Dayna Nyange alikiambia kipindi cha Bomba Base Show cha redio Bomba FM Mbeya.

''Lakini kwa mara ya mwisho kuna vitu vilitokea upande wa pili, tulikuwa tayari kufanya mara kadhaa nilipanga kwenda Uganda, Cindy akapata tena safari ya ghafla kwenda Afrika Kusini kwenye tuzo, kwa hiyo tukawa tumepisha ila kwa sababu na mimi nilikuwa na majukumu mengine nikaamua kutulia kwanza nimalizie mambo yangu'' alisema Dayna.

Hata hivyo Dayna amesema mipango ya kufanya collabo na Cindy ipo pale pale na wakati wowote mwaka huu itakamilika ''Kwa hiyo kuna vitu vingi vina kuja na mimi na Cindy ni watu wa karibu sana, tunawasiliana na kukumbushana kuhusu kazi ya pamoja''

Kassim Mganga awaomba radhi mashabiki wake kwa kuchelewa kuiachia video ya wimbo ya I love u

Hitmaker wa 'I Love U' Kassim Mganga awaomba radhi mashabiki wake kwa kuchelewa kuiachia video ya wimbo ya I love u kutokana na kuahidi kuiachia mwishoni mwa mwaka 2014.

''Ratiba ni muda, unajua muda ulikuwa mdogo kwangu, mara nyingi kwa mwaka naachia wimbo mmoja pamoja na video, sasa mwaka jana sikufanya kabisa video ya I love u licha ya kuahidi kwa sababu zilizokuwa nje ya uwezo wetu sambamba na kuwa na show nyingi sana mwaka jana pamoja na safari ya Marekani'' Kassim Mganga alikiambia kipindi cha Bomba Base Show cha redio Bomba FM Mbeya.

Kassim Mganga amesema kutokana na sababu hizo lakini kulikuwa na video ya wimbo wa Motomoto iliyotengenezwa na kampuni ya video ya nchini Kenya, Ogopa DJz ambayo ilitakiwa kuwa mbadala wa video ya I Love U lakini alishindwa kuiachia kutokana na kuwa na mapungufu kibao.

''Mwishoni mwa mwaka tukasema tu-release wimbo wa Motomoto na tulianza kushoot video yake kabla ya kurelease wimbo huo, tulishoot na Ogopa Video kutoka nchini Kenya na baadae video tulivyotumiwa haikuwa kama vile tulivyotaka iwe ilikuwa na mapungufu kibao kwa hiyo tukawaambia jamaa inatakiwa tuongeze vitu lakini bado haikuwa vile kama tulivyotegemea nikaona ni hasara tena ikabidi niiachie hivyo hivyo pamoja na video nyingine ya Nafsi nyonge niliyoifanya miaka mitatu iliyopita''    

Hata hivyo Kassim Mganga amewataka mashabiki wake kukaa mkao wa kupata ngoma mpya ''Harakati zinaendelea unajua muziki sasa umekuwa biashara kila wakati inabidi kujisogeza kidogo, ili uweze kukimbizana na market kwa hiyo nipo kwenye maandalizi sasa ya wimbo wangu mpya niliomshirikisha Christian Bella utakao toka mwezi wa tatu''.

Tuesday, January 13, 2015

TIMBULO AZUNGUMZIA SABABU ZA KUSHINDWA KUOA NA KUFUNGA NDOA MWAKA JANA.



Mwaka 2014 ulikuwa ni wakati muafaka kwa hitmaker wa Nakumis Mis Timbulo kuuaga ukapela, na huenda ukawa na maswali mengi ni kikwazo gani kilikwamisha mikakati hiyo kutokamilika.

Timbulo amekiambia Kipindi cha Bomba Base Show cha Redio Bomba FM Mbeya vikwazo vya kutokamilisha ndoto yake ''Siwezi kusema exactly kuwa kuna vikwazo lakini wakati mwingine unaweza kupanga halafu muolewaji akazingua ni vitu vya kawaida, sio sehemu yangu ya kutangaza kwamba niliyekuwa naye ilikuwa hivi labda angekuwa msanii mwingine angekuwa amesema hadharani na watu wangekuwa wamesikia yote''.

''Mwisho wa siku huwa naamini kwamba Mungu huwa anapanga halafu huwa anatia mkono wake kufanikisha hili liende, hili lisiende watu waelewe tu mambo hayakwenda sawa mimi sio mtu ambaye nachelewesha sana uchumba aua uhawala. Mimi naamini sana katika Mungu saa nyingine kwa hiyo tunambiwa katika vitabu vya Mungu kwamba ficheni uchumba tangazeni ndoa'' aliongeza Timbulo

Hata hivyo Timbulo amesema licha ya mikakati kufeli lakini suala la kuoa lipo palepale kwa mwaka huu wa 2015.

''Suala la kuoa ni mpango endelevu yaani usipooa mwaka huu utaoa mwakani kama unamini kama mimi ninavyoamini, lakini kwa wale wenzangu ambao hawaamini kunye mambo ya kuoa na kuishi katika familia hawana ndoto''.

MAUA SAMA DAI UKATA NA KUBANWA NA MAJUKUMU YA CHUO NDIO SABABU ZA KUTOFANYA VIDEO YOYOTE YA NYIMBO ZAKE

Hitmaker wa So Crazy Maua Sama amesema ukata na kubanwa na majukumu ya masomo chuoni ndio sababu kuu zilizochangia kutotoa video yoyote ya nyimbo zake ambazo ni So Crazy, Sijiwezi na Let them know nk.

''Ni ukosefu wa fedha na majukumu ya chuo sometimes vikwanzo vya hapa na pale na arrangement ndio sababu zilizochangia nishindwa kufanya video yoyote lakini kwa sababu nahitimu chuo mwaka huu Mungu akijaalia nitaanza kufanya video ya wimbo wa Let them know na nyingine za nyuma zitafuata mpaka So Crazy'' alisema Msomi huyo wa Chuo cha MUCCOBs Maua Sama kupitia Kipindi cha Bomba Base Show cha redio Bomba FM Mbeya.

Maua Sama licha ya kuwa chini ya Management ya Rapper Mwana FA lakini amefafanua makubaliano ya mkataba baina yake na bosi wake ulivyo ''Ananisaidia kusambaza nyimbo zangu kwenye vituo vya redio, mikakati ya video inafanyika lakini tatizo kuu ni kama nilivvyoeleza muda wangu unabanwa na chuo pamoja na ukata wa fedha, lakini naamini nikihitimu tu chuo niambo yote yatakwenda sawa''

Hata hivyo ameelezea malengo yake katika tasnia ya muziki ''Mimi nasoma biashara kwa unatakiwa kuprovide kitu gani kwa muda gani, ujue muziki nao unabadilika, nitakavyokuwa natoa wimbo lazima mashabiki waangalie una ubora upi na kwa muda gani Unajua ukijikita katika aina moja mashabiki nao wanahama ukitaka kufanya muziki biashara inabidi ubadilike kulingana na soko linavyoenda kwa hiyo sio kila siku watasikia RnB napenda niwe nabadilika kulingana na soko''.

MSANII PINGU ADAI HANA BIFU NA VIONGOZI WA TIPTOP CONNECTION MAMBO YAKIMUENDEA MRAMA ATARUDI

Msanii wa zamani wa kundi la Tiptop Connection Pingu amesema hana bifu yoyote na viongozi wa kundi hilo Abdu Bonge, Babu Tale wala Madee lakini hali muziki ikiniendea mrama nitaomba msaada wao.

''Mtoto anapokua anaanza kwa kukaa, kutambaa mwisho wasiku anasimamia kitu baadae pekee yake nakuanza kutembea, mimi nilivyokuwa kule nilikuwa kama mtoto nayelelewa na kuishi katika mazingira ya maisha bora, kwa hiyo sasa hivi naishi maisha ya mtaani nakomaa angalau niweze kujitegemea''. Pigu alikiambia kipindi cha Bomba Base Show cha Redio Bomba FM Mbeya.

Katikati ya mwaka 2014 Pingu aliachia ngoma inayokwenda kwa jina la Leo leo aliyomshirikisha Nay wa Mitengo na Sheby Love lakini haikufanya vizuri kama alivyokuwa akitarajia.

''Unajua unavyokuwa chini ya usimamizi kuna mambo mengi mazuri unafanyiwa pamoja na kusimamiwa suala promo ya nyimbo, kusambaziwa katika vituo vya redio, kutengeneza video na kuandaliwa shows lakini unavyokuwa pekee yako kuna vitu unafeli lakini mambo yakiendelea hivi kusuasua nitarudi na kuwaomba waendelee kunisimamia ili malengo yangu kutimia''. alisema Pingu.

AT KUMTAMBULISHA MDOGO WAKE VANILLA JANUARI 15 KUPITIA NGOMA YA MAMA MAMIE

Mwanamuziki wa miondoko ya miduara nchini Tanzania AT anatarajia kumtambulisha mdogo wake aitwaye Nasir lakini jina la kisanii ni Vanilla kupitia wimbo anaotarajia kuuachia Januari 15 mwaka huu.

''Tarehe 15 nitakuwa naachia wimbo wangu mpya uitwao 'Mama Mamie(unanipenda)' ambao utakuja na video yake sambamba na utambulisho wa mdogo wangu aitwaye Vanilla ambaye nimeona muda wake wa kufanya muziki sasa umefika na anaweza kuleta pirika'' AT alikiambia kipindi cha Bomba Base Show cha redio Bomba FM Mbeya.

''Mdogo wangu ana uwezo wa kufanya muziki wa Bongo Fleva, miduara lakini ana muziki wake ambao unajitambulisha wenyewe kama wenyewe haufanani na muziki wa msanii yeyote, lakini watu wanaamini muziki ni uleule lakini muziki si uleule isipokuwa code za muziki ni zilezile unaweza kutengeneza muziki mzuri endapo ukiwa unajiongeza kufikiri ndio kilichojidhihirisha kupitia kwa mdogo wangu''.

Monday, January 12, 2015

FAMILIA YA ZALLAH ORGANS KUJA NA SIOGOPI INAYOASA WATU KUTOKATA TAMAA NA MAISHA.



Kundi la Zallah Organs ns lenye Maskani yake jijini Mwanza linakuja na iitwayo "Siogopi" iliyopikwa katika studio za "Overclassic Music" chini ya mkono wa producer "Daydream"

Akiizungumza ngoma ya Siogopi kupitia kipindi cha Bomba Base Show cha redio Bomba FM Mbeya mmoja wa members wa kundi hilo Kulwa Bung'ando a.k.a Goliath amesema “Siogopi ni ngoma inayozungumzia hali kutokukata tamaa, pia kukemea watu wenye tabia za kusemasema wenzao ili wawafelishe au kuwarudisha nyuma kimaendeleo"

Kundi la Zallah Organs linaundwa na wasanii wafuatao ambao ni Kulwa Bung'ando a.k.a Goliath , Herman Julius a.k.a Pap Herode na Gregory Mabina a.k.a Bagrey Escariote.

Friday, January 9, 2015

PRODUCER LAMAR:- SIFULIA WALA KUISHIWA UBUNIFU ILA SINA MAMLAKA YA KUTOA WIMBO ZA MSANII YEYOTE BILA RIDHAA YAKE.



Mtayarishaji wa Muziki wa Kizazi kipya LAMAR ameweka wazi kuwa hajaishiwa ubunifu katika utayarishaji wa muziki lakini amefanya kazi nyingi za wasanii lakini hawataki kuziachia hali inayochangia aonekane kuwa kimya katika music industry.

LAMAR amekiambia kipindi cha Bomba Base Show cha redio Bomba FM Mbeya kuwa ''Siku zote mimi niko tofauti, ujue watu hawaelewi mimi narekodi nyimbo lakini sina mamlaka ya ku-release wimbo wa msanii mpaka artist mwenyewe akubali ndio maana naonekana nipo kimya''.

''Lakini tracks narekodi kama kawaida na zipo bado kwenye library  mpaka msanii mwenyewe awe tayari kui-release ndio naziachia na utazisikia katika redio ndio hapo utajua kuwa mimi nimefanya kazi’' ameongeza Lamar.

Hata hivyo LAMAR amesema kwa sasa hawezi kupanga bei mpya ya utayarishaji wa nyimbo, mapaka atakapoona changa moto za mabadiliko katika muziki kwa mwaka huu ''Gharama zangu zinafahamika ngoja tuone mwaka huu toune changes zitakazokuja nahisi itakuwa surprise kwa sasa ziwezi kusema kitu kabla ya muda wake lakini naomba fans waendelee kuni-support, basically range yangu inapanda kutokana na kazi yenyewe kitu gani nataka kufanya nikitaja gharama halisi nitakuwa nimeji-limit''

AT ADAI WASANII WANAOENDA KUSHOOT VIDEO ZAO AFRIKA KUSINI NI WASHAMBA



Mkali wa miondo ya Miduara nchini AT amesema wasanii watazania wanaokimbilia kufanya video za nyimbo zao Afrika Kusini ni malimbukeni na washamba wa kubwa kutokana kutangaza rasilimali za nchi hiyo badala ya kutangaza rasilimali za Tanzania ili kuwavutia wageni kutembelea nchini na kuongeza pato la taifa.

''Kikubwa ambacho nimekuwa nikikifanya ni kufanya video tofauti, wasanii wa Tanzania wamekuwa washamba sijapata kuona, malimbukeni duniani hakuna unawezaje kutoka nchini kwako ukaenda kumpromote Msouth Africa ni kwa sababu ya majengo hata siku moja tunajidanganya bora upeleke chako watu wakiona. Wimbo ambao unampa heshima msanii John Legend mpaka kesho ni video aliyoifanyia Zanzibar, na John Legend kwao Marekani hivi alikosa kazi mpaka kufanyia video kule Zanzibar si Tanzania kwanini tusiwe wazalendo, tunataka Serikali iwe na uzalendo au Wananchi wawe wazalendo kutusaidia sisi wasanii watanzania mbona sisi sio wazalendo kwa nchi yetu'' AT alikiambia kipindi cha Bomba Base Show cha redio Bomba FM Mbeya.

''Mimi sina mpango wa kufanya video South Africa, mimi sio mshamba wa majengo, vioo navijua na majengo nayajua Posta pia yapo ndio yale yale ila sehemu tofauti tu ni mpangilio, lakini tunapokuja kwenye suala nzima la Rasilimali atazipeleka nani zijulikane ziwavutie watu waje hapo ndio tunapochemka. Tukiangalia Filamu za Kimarekani hivi ulishaona Sterling wa kimarekani kapingwa, Mmarekani anaweza akaingia sehemu China akapingwa na akatoka pekee yake ile ni kutangaza Taifa lao lionekane lina nguvu kwa kuwafanya watu waamini kuwa wananguvu zaidi wanatangaza chao zaidi lakini sisi tumeshindwa kutangaza chetu'' aliongeza AT

Aidha AT amewataka wasanii hao kuacha tabia kuwakejeli Ma-Director wa video wa Tanzania kwani nao wameleta changamoto kubwa ya mafanikio kwao ''Tumeanza kuwa-kashfu akina Adam Juma, Nisher na watu wengine kwamba video zetu hazina ubora mbona wakati tunaanza kufanya video hatukuenda South Afrika  kufanya kwa sababu tumetoka leo hii tumekuwa hatuna shukrani suala la nyimbo za Tanzania hatakuja mtu kusema mie nawasaidieni, hakuna Mnigeria atakuwa na roho ya huruma na Tanzania wala Msouth Africa isipokuwa Watanzania wenyewe watakuwa na imani na vitu vyao wenyewe''.

Thursday, January 8, 2015

MABESTE KUACHIA WIMBO UNAOWALENGA WAZAZI.



Rapper Mabeste, Januari hii anatarajia kuachia ngoma mpya iitwayo 'Usiwe Bubu' yenye funzo kwa wazazi kuwa karibu na watoto wao na kujenga urafiki ambao utawafanya watoto kuwa huru kuuliza mambo mbalimbali yanayohusu maisha na kupata haki ya malezi bora kutoka kwa wazazi wao.

''Unakuta mzazi anaogopa kumwambia kitu mwanae kwa sababu anaona ni mapema kumwambia mwanae namna ya kuepukana na mahusiano ya mapenzi ya utotoni na madhara yake pamoja na madhara ya ngono, vilevile namna ya kuepukana na makundi yasiyofaa mfano ujambazi, matumizi ya madawa ya kulevya n.k na baadae kuharibikiwa, lakini kumbe ni vizuri mtoto kuwa na urafiki na mzazi kwa sababu kuna umri wa mtoto kuingia katika mahusiano wa kimapenzi lazima awe na urafiki na mzazi wake ili mzazi aweze kumshauri vitu vizuri vya kufanya kwa sababu kuna vitu ambavyo mtoto anapaswa kumwambia baba yake au mama yeke, sasa unakuta mtoto anakuwa na urafiki na mtoto mwezake ambaye hawezi kumshauri vitu vizuri'' Mabeste alikiiambia kipindi cha Bomba Base Show cha redio Bomba FM Mbeya.

Mabeste ameongeza kuwa ''Kila mtu anaishi na watu kwa hiyo ili maisha yaende lazima uwe unazungumza pale endapo mwenzako anakuwa anakukwanza kwa namna moja ama nyingine, na hii pia Generation inayokuwa kwa sasa ambayo itakuwa tegemezi inapaswa kupata ukweli wa kila jambo. Kuna situation moja ipo Afrika watu hawaambiwi ukweli juu ya njia za kuepukana na Ugonjwa wa UKIMWI tayari unakuta kizazi cha sasa vishawishi vingi vimesha watawala na kuteketea na ugonjwa huo kwa hiyo elimu inapaswa kutolewa wakati kizazi hicho kikikua ili kuwa na ufahamu wa kuepukana na ugonjwa huo''

Rapper Mabeste ambaye ni Baba wa mtoto aitwaye Kendrick amewaasa wazazi kuanza sasa kujenga urafiki wenye tija kwa watoto ''Mtoto aongee na Baba, Baba aongee na Mtoto, Mwalimu aongee na Mwanafunzi, mwanafunzi aongee na Mwalimu lakini kuwe na communication yenye mipaka ya heshima lakini kuwa na urafiki baina ya mkubwa na mdogo katika kuelimisha na malezi yenye maadili''.

STEREO ADAI ANAIMANI AY NA UNITY ENTERTAINMENT ITAMFIKISHA KIMATAIFA



Rapper STEREO amedai anamtegemea zaidi bosi wake  na Rapper AY kukamilisha ndoto zake za kujitangaza kimataifa na kufanya collabo na wasanii wa kimataifa na kwamba mafanikio aliyofikia sasa ni mchango mkubwa kutoka Unit Entertainment.

''Kikubwa ni connections mimi naamini sana connection kwa sababu mimi AY alinikuta tayari mimi nishakuwa Stereo, na ninachokihitaji ni kukua tu kwa hiyo mimi namtumia yeye na nilishamwambia mara nyingi namwambia mimi connections ndio kila kitu nachohitaji, niki come up nikiuliza Ambwene(AY) naomba niende sehemu fulani basi nipeleke huko kama nilivyomuomba kendwa kwa Victoria Kimani basi akanipeleka kwa Victoria kwa hiyo ndivyo nitakavyomuomba niende sehemu nyingine naye itabidi anipeleke huko niende'' STEREO alifunguka kupitia kipindi cha Bomba Base Show ya redio Bomba FM Mbeya.

STEREO amesema ana imani ya kufanikiwa zaidi katika soko la muziki kwani bado ana mkataba wa muda mrefu na UNIT ENTERTAINMENT ''Kikubwa watu wanatakiwa kujua mpaka hapa nilipo kwa mafanikio haya ni UNIT ENTERTAINMENT  ambayo imenipokea kutoka MLAB nilipomaliza mkataba nao. Unit Entertainment na naendelea nayo hadi hapa na nitakuwa nayo kwa muda mrefu sana kwani kuna vitu vingi naona nahitaji kutoka kwa AY''.

Hata hivyo Stereo amesema kuwa yupo katika mazungumzo na wasanii wengine wa kimataifa kwa ajili ya kufanya nao collabo ''Mwaka huu nataka kufanya collabolation angalau 4 za wasanii kutoka Nairobi na Kampala kwa hiyo tumeshaanza kufanya ufuatiliaji na nimeongea na wahusika kuona wanawezaje kuniunganisha nao''.

TAZAMA:- Chris Bee Ft G Sacha na Sylvia - Wala Wala{Official HD Music Video}

INTERVIEWS

 
 
Blogger Templates